Prosports.kz portaly Máskeýdiń SSKA komandasy qazaqstandyq maman Grıgorıı Babaıandy bas bapkerdiń kómekshisi etip taǵaıyndaǵanyn resmı túrde jarııalaǵanyn habarlady, dep jazady Egemen.kz.
«Grıgorıı Babaıan SSKA komandasynyń jattyqtyrýshylar quramyna kirdi. Buǵan deıin Grıgorıı Konstantınovıch «Tobyl» fýtbol klýbynda bas bapker qyzmetin atqarǵan, endi ol bas bapkerdiń mindetin atqarýshy bolyp taǵaıyndalǵan Alekseı Berezýskııge kómektesedi. Klýbqa qosh keldińiz!», dep jazylǵan qyzyl-kókterdiń Instagram-daǵy paraqshasynda.
Eske salaıyq, Qazaqstan quramasynyń jartylaı qorǵaýshysy Bahtıer Zaınýtdınov SSKA sapynda ótken jyldyń tamyz aıynyń sońynan beri oınap keledi.